VALENTINES DAY PUALIN SIAHA AH THISEN PEK RUNPUI HMAN A NI.
February 15, 2021: Blood Bank Siaha leh Association for Voluntary Blood Donation (AVBD) Siaha te chuan damlo thisen mamawh tute hman atan vawiin khan Valentines Day pualin thisen pek runpui hman a ni.
He hun hi Pu Lalnunkima Pisa, President, AVBD Siaha chuan kaihruaiin, Pu C. Lalrosanga, District Medical Superintendent Siaha chu khuallian niin a hmanpui, khuallian hian Damlo thisen mamawh tute hman atan thisen pe kan pung zel a, Siaha Dist pawn hmasawnna nei chho zelin, vawiin niah chuan midangte entawn tlak thei khawpa hmasawnna kan nei hi thawk tute hnenah pawh lawmthu ka sawi a ni tiin thusawina a nei.
Nl K. Zodinpuii hnen atangin zai mawi tak ngaihthlak a ni a, kumin kal ta chhunga regular taka thisen petu ECM-KTP aiawhin
AVBD Siaha chuan ECM-KTP Headquarter te hnenah Chawimawina Thuziak a hlan a ni.
Programme hman zawhah thisen pekna hun hman nghal a ni a, thisen petute hi mip 37 leh hmeichhia 8, a vaiin units 45 lak a ni.
